Programmes

Competition

નવરાત્રી ગરબા-રાસ સ્પર્ધા:

રાજ્યના દરેક જિલ્લા/મહાનગરપાલિકાના વિસ્તારમાં દર વર્ષે જિલ્લાકક્ષાની અને રાજ્યકક્ષાની પ્રાચીન-અર્વાચિન ગરબા તેમજ રાસની સ્પર્ધા યોજવામાં આવે છે.

વીર સાવરકર અખિલ ભારત સમુદ્ર તરણ સ્પર્ધા:

ગુજરાતના જૂનાગઢ જીલ્લાના ચોરવાડથી વેરાવળ વચ્ચેના અરબી સમુદ્રમાં બહેનો માટે ૧૬ નોટીકલ માઈલ અને ભાઈઓ માટે ૨૧ નોટીકલ માઈલની હરિહોમ આશ્રમ પ્રરિત "વીર સાવરકર અખિલ ભારત સમુદ્ર તરણ સ્પર્ધા" ગુજરાત રાજયમાં એકાંતરે વર્ષ યોજવામાં આવે છે. આ સ્પર્ધામાં ભાગ લેવા માટે દેશના પ્રમુખ અખબારોમાં જાહેરાતો આપી રસ ધરાવતા સાહસિક તરવૈયાઓ પાસે થી અરજીઓ મંગાવવામાં આવે છે. ઉચ્ચ કક્ષાની પસંદગી સમિતિ દ્વારા ભારતભરમાંથી પસંદ કરેલા ૩૦ જેટલા ચુનંદા તરવૈયા સ્પર્ધકોને ભાગ લેવા બોલાવવામાં આવે છે.

હરીઓમ આશ્રમ તરફથી રાજય સરકારને રૂ. ૧,૨૫,૦૦૦ નું દાન આપવામાં આવેલ છે, તેની રકમના વ્યાજમાંથી સ્પર્ધાના વિજેતાઓને રોકડ ઈનામ આપવામાં આવે છે. આ સ્પર્ધાના આયોજન - સંચાલનનો સંપૂર્ણ ખર્ચ રાજ્ય સરકાર ભોગવે છે.

મહાજન સ્મારક સમુદ્ર હોડી સ્પર્ધા:

સાગરખેડૂ કોમના સાહસિક યુવક-યુવતિઓને લાંબા અંતરનો સાગર પ્રવાસ ખેડવાની પ્રેરણા મળે, તેમનો સાહસિક વારસો તેમજ ગૌરવ જળવાય રહે તે માટે પ્રતિવર્ષ આ સ્પર્ધાનું આયોજન કરવામાં આવે છે. જેનો સંપૂ્ણ ખર્ચ રાજય સરકાર ભોગવે છે.

ગિરનાર આરોહણ અવરોહણ સ્પર્ધા:

ગિરનાર પર્વતના ૯,૯૦૦ પગથિયાં પૈકી ભાઇઓ માટે પ,પ૦૦ પગથિયાં અને બહેનો માટે ર,ર૦૦ પગથિયાં પર પ્રતિવર્ષે આરોહણ-અવરોહણની રાજય અને રાષ્ટ્રકક્ષાની સ્પર્ધાઓનું આયોજન કરવામાં આવે છે. જેનો સંપૂર્ણ ખર્ચ રાજય સરકાર ભોગવે છે.

Back to Top