Programmes

Awards

મહાવીર જીવદયા એવોર્ડ:

જીવદયા ક્ષેત્રે વિશિષ્ટ કામગીરી કરતી સંસ્થા/વ્યક્તિને રૂ. ૧.૦૦ લાખનો રોકડ પુરસ્કાર આપી સન્માનિત કરવાની યોજના અમલમાં આવેલ છે.

રાષ્ટ્રીય યુવા પારિતોષિક યોજના:

રાષ્ટ્રનું યુવા જગત આદર્શપાત્ર પ્રવૃત્તિઓ કરી નવા ઉત્સાહ સાથે ઉતુંગ શિખરો સર કરી આવી પ્રવૃત્તિઓમાં શ્રેષ્ઠત્તમ દેખાવ કરી પ્રશંસનીય કાર્ય કરે છે. જે પારિતોષિક માટે પસંદગી પામનાર વ્યકિતને સ્મૃતિપદક, માનપત્ર અને રૂ.ર૦,૦૦૦/- રોકડ પુરસ્કાંર એનાયત કરવામાં આવે છે. જયારે સંસ્થાકીય એવોર્ડ મેળવનાર સંસ્થાને રૂ.૧,૦૦,૦૦૦/- રોકડ પુરસ્કા‍ર, સ્મૃતિપદક, માનપત્ર એનાયત કરવામાં આવે છે.

રાજય યુવા પારિતોષિક યોજના:

રાષ્ટ્રીય એકતા અને અખંડિતતાને મજબૂત કરવા તથા સામાજિક સેવાઓને લગતી પ્રવૃત્તિઓ પ્રત્યે રાજયના ૧પ થી ૩પ વર્ષની વયજૂથનો યુવા વર્ગ તથા યુવા સંગઠનોને ઉત્સાહભેર જોતરવા, રાષ્ટ્રીય વિકાસ, રાષ્ટ્રીય એકતા અને સામાજિક સેવાના ક્ષેત્રે કરેલ ઉત્કૃષ્ઠ કામગીરીને બિરદાવવાના આશયથી આ પારિતોષિક માટે પસંદગી પામનાર વ્યકિતને સ્મૃતિપદક, માનપત્ર અને રૂ.૧૦,૦૦૦/- રોકડ પુરસ્કાર એનાયત કરવામાં આવે છે. જયારે સંસ્થાકીય એવોર્ડ મેળવનાર સંસ્થાને રૂ.પ૦,૦૦૦/- રોકડ પુરસ્કાર, સ્મૃતિપદક અને માનપત્ર એનાયત કરવામાં આવે છે.

રાજય પર્વતારોહણ એવોર્ડ:

પર્વતારોહણ ક્ષેત્રે વિશિષ્ટ સિધ્ધિ મેળવનાર સાહસિક ઉમેદવારને દર વર્ષે રાજય પર્વતારોહણ એવોર્ડથી સન્મા્નિત કરવામાં આવે છે. જેમાં પ્રથમ ક્રમને રૂા. પ૦,૦૦૦/-, દ્રિતિય ક્રમને રૂા. રપ,૦૦૦/- તથા તૃતિય ક્રમને રૂા. ૧પ,૦૦૦/- રોકડ પુરસ્કાર આપવામાં આવે છે.

Back to Top